ചാലക്കുടി: പരിശീലനം നടത്തുന്നതിനിടെ കായികതാരം കളിസ്ഥലത്ത് കുഴഞ്ഞുവീണ് മരിച്ചു. അലവി സെന്റർ കുറ്റിലാംകൂട്ടം മാണിക്യന്റെ മകൻ മനോജാണ് (42) മരിച്ചത്. ശനിയാഴ്ച രാവിലെ ചാലക്കുടി ഗവ. വൊക്കേഷനൽ ഹയർ സെക്കൻഡറി സ്കൂൾ മൈതാനത്താണ് സംഭവം. ആശുപത്രിയിലെത്തിച്ചെങ്കിലും മരിച്ചു. നഗരസഭയുടെ കേരളോത്സവത്തിന്റെ ഭാഗമായാണ് പരിശീലനം നടത്തിയത്. ഫുട്ബാൾ ടീമിൽ അംഗമായിരുന്നു.