ആമ്പല്ലൂർ: മണ്ണംപേട്ടയിൽ ബൈക്കപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു. കല്ലൂർ ആലേങ്ങാട് കൈപ്പിള്ളി വീട്ടിൽ രാമചന്ദ്രന്റെ മകൻ ശ്രീജിത്താണ് (35) മരിച്ചത്. തൃശൂരിലെ സ്വകാര്യ ആശുപത്രിയിൽ ചികിത്സയിലിരിക്കെ ശനിയാഴ്ച രാവിലെയാണ് മരിച്ചത്. കഴിഞ്ഞ ശനിയാഴ്ച രാത്രി മണ്ണംപേട്ട വട്ടണാത്ര റോഡിൽ ശ്രീജിത്ത് സഞ്ചരിച്ച ബൈക്ക് വൈദ്യുതി തൂണിൽ ഇടിക്കുകയായിരുന്നു. തലക്ക് പരിക്കേറ്റ യുവാവിനെ നാട്ടുകാരാണ് ആശുപത്രിയിൽ എത്തിച്ചത്. വിദേശത്തായിരുന്ന ശ്രീജിത്ത് അടുത്തിടെയാണ് നാട്ടിൽ എത്തിയത്. മാതാവ്: വസന്തകുമാരി. ഭാര്യ: രോഹിണി. മക്കൾ: ദേവദത്തൻ, ക്ഷേത്ര.