കാഞ്ഞാണി: സ്വകാര്യ ആശുപത്രിയിൽ നഴ്സായ യുവതിയെ വീട്ടുകിണറ്റിൽ മരിച്ച നിലയിൽ കണ്ടെത്തി. കാരമുക്ക് മാമമ്പറക്കാരൻ സുധീഷിന്റെ ഭാര്യ രാഗിയെയാണ് (35) ഞായറാഴ്ച രാവിലെ മരിച്ച നിലയിൽ കണ്ടെത്തിയത്. യുവതിയെ കാണാതായതോടെ നടത്തിയ അന്വേഷണത്തിലാണ് മൃതദേഹം വീടിന് സമീപത്തെ കിണറ്റിൽ കണ്ടത്. നാട്ടികയിൽനിന്ന് അഗ്നിരക്ഷസേന എത്തി മൃതദേഹം കരക്കുകയറ്റി. അഞ്ചുവർഷം മുമ്പായിരുന്നു ഇവരുടെ വിവാഹം. ഗൾഫിൽ സെയിൽസ് മാനായ ഭർത്താവ് അവധിക്ക് നാട്ടിലെത്തി കഴിഞ്ഞദിവസമാണ് തിരികെ പോയത്. കരുവന്നൂർ സ്വദേശി തളിയക്കാട്ടു പറമ്പിൽ ദിവാകരന്റെയും ഇന്ദിരയുടെയും മകളാണ് രാഗി. ഏക മകൾ: ശ്രാവന്ദി. അന്തിക്കാട് പൊലീസ് മേൽ നടപടി സ്വീകരിച്ചു.