അരിമ്പൂർ: വാഹനാപകടത്തിൽ പരിക്കേറ്റ് ചികിത്സയിലിരുന്നയാൾ മരിച്ചു. കൈപ്പള്ളി പള്ളിപ്പാട്ട് സുന്ദരനാണ് (63) മരിച്ചത്. സംസ്ഥാനപാത കൈപ്പിള്ളി റോഡ് ജങ്ഷനിൽ ആഗസ്റ്റ് 19നായിരുന്നു അപകടം. സ്വകാര്യ സ്ഥാപനത്തിലെ ജീവനക്കാരനായ സുന്ദരൻ രാവിലെ ജോലിക്ക് പോകാനായി ബസ് കയറാൻ ശ്രമിക്കുന്നതിനിടെ പിറകിൽനിന്ന് വന്ന ബൈക്ക് ഇടിക്കുകയായിരുന്നു. സ്വകാര്യ ആശുപത്രിയിൽ ചികിത്സയിലായിരുന്നു. പിന്നീട് വീട്ടിലേക്ക് മാറ്റി. ഇതിനിടെയാണ് മരിച്ചത്. അന്തിക്കാട് പൊലീസ് മേൽ നടപടി സ്വീകരിച്ചു. ഭാര്യ: സുലോചന. മക്കൾ: സുധീഷ്, സുജിത. മരുമക്കൾ: സജന, സജീവ് കുമാർ.