അരിമ്പൂർ: ചാവക്കാട് ബീച്ചിലെ ഫ്ലോട്ടിങ് ബ്രിഡ്ജിൽ കുഴഞ്ഞുവീണയാൾ മരിച്ചു. വെളുത്തൂർ തച്ചമ്പിള്ളി മാലാഖ റോഡിൽ തലപ്പിള്ളി വീട്ടിൽ ‘സുദർശന’ത്തിൽ പ്രേമദാസ് (73) ആണ് മരിച്ചത്. തിങ്കളാഴ്ച വൈകീട്ട് കുടുംബ സമേതം ബീച്ച് കാണാൻ എത്തിയതായിരുന്നു. മക്കളോടൊത്ത് ഫ്ലോട്ടിങ് ബ്രിഡ്ജിൽ കയറിയ ഇദ്ദേഹത്തിന് ദേഹാസ്വാസ്ഥ്യം അനുഭവപ്പെട്ടു. ഉടൻ റെസ്ക്യൂ ടീം ആശുപത്രിയിൽ എത്തിച്ചെങ്കിലും മരിച്ചു. ബൈപാസ് ശസ്ത്രക്രിയ കഴിഞ്ഞയാളാണ്. ഭാര്യ: സുശീല. മക്കൾ: സുപ്രിയ, സുജിത്ര. മരുമക്കൾ: പ്രവീഷ് പ്രേംരാജ്, പി.എസ്. പ്രവീൺ.