അതിരപ്പിള്ളി: രണ്ട് മാസം മുമ്പ് കാട്ടാന ചവിട്ടി പരിക്കേൽപ്പിച്ച ആദിവാസി യുവാവ് മീൻ പിടിക്കുന്നതിനിടെ പെരിങ്ങൽക്കുത്ത് അണക്കെട്ടിൽ മുങ്ങി മരിച്ചു. മുക്കുമ്പുഴ കാടർ കോളനിയിലെ കൃഷ്ണനാണ് (30) മരിച്ചത്. ബുധനാഴ്ച പുലർച്ചെ മൂന്ന് മണിയോടെ മീൻ പിടിക്കാൻ വല കെട്ടാൻ പോയതായിരുന്നു. തിരികെ എത്താതായപ്പോൾ നടത്തിയ അന്വേഷണത്തിലാണ് ചങ്ങാടത്തോട് ചേർന്ന് മരിച്ചു കിടക്കുന്നതായി കണ്ടെത്തിയത്. മൃതദേഹം ചാലക്കുടി താലൂക്ക് ആശുപത്രിയിൽ. രണ്ട് മാസം മുമ്പ് വനത്തിൽ വെച്ച് കാട്ടാന ചവിട്ടിയതിന്റെ പരിക്ക് ഭേദമായപ്പോഴാണ് കുലത്തൊഴിലായ മീൻ പിടിത്തത്തിന് പോയത്. ഭാര്യ: ശ്രീമതി. മക്കൾ: ശ്രീക്കുട്ടൻ, നന്ദന, ചിന്നു, രണ്ടു വയസ്സുകാരിയായ മകൾ.