പഴയന്നൂർ: ഭഗവതി ക്ഷേത്രക്കുളത്തിൽ വയോധിക മുങ്ങിമരിച്ചു. പഴയന്നൂർ കോടത്തൂർ വില്ലടത്ത് പറമ്പിൽ പരേതനായ ചെല്ലപ്പന്റെ ഭാര്യ പൊന്നുമണിയാണ് (82) മരിച്ചത്. പതിവായി ക്ഷേത്രകുളത്തിൽ കുളിക്കാനായി എത്തുന്ന ഇവരെ വ്യാഴാഴ്ച രാവിലെയും ക്ഷേത്രപരിസരത്ത് കണ്ടിരുന്നതായി പറയുന്നു. ഉച്ചയോടെയാണ് കുളത്തിൽ മൃതദേഹം പൊങ്ങിയനിലയിൽ കണ്ടെത്തിയത്. മക്കൾ: കോമളവല്ലി, രാധാകൃഷ്ണൻ, സത്യഭാമ, ഗീത, മോഹനൻ, ബിന്ദു. മരുമക്കൾ: ശശികുമാർ, തങ്കമ്മ, ഗോപി, മൂർത്തി, കവിത, സുകുമാരൻ. സംസ്കാരം വെള്ളിയാഴ്ച രാവിലെ 10ന് പാമ്പാടി പൊതു ശ്മശാനത്തിൽ.