കൊടുങ്ങല്ലുർ: മാധ്യമത്തിന്റെ തുടക്കം മുതൽ കൊടുങ്ങല്ലൂർ ടൗൺ ഏജന്റായ അബ്ദുൽ ഗഫൂർ (69) നിര്യാതനായി. കോതപറമ്പ് കാട്ടകത്ത് പരേതരായ കുഞ്ഞി കാദറിന്റെയും ഐശുവിന്റെയും മകനാണ്. ജമാഅത്തെ ഇസ്ലാമി കോതപറമ്പ് ഹൽഖ മുൻ സെക്രട്ടറിയും സജീവ പ്രവർത്തകനുമായിരുന്നു. പ്രസ്ഥാന പ്രസിദ്ധീകരണങ്ങളുടെയും ഏജന്റായിരുന്നു. മേഖലയിൽ മാധ്യമം വളർത്തിയെടുക്കുന്നതിൽ ഏറെ പ്രയത്നിച്ച അബ്ദുൽ ഗഫൂർ സമീപ കാലം വരെ ഏജൻസി പ്രവർത്തനങ്ങളിലും കർമനിരതനായിരുന്നു. അവിവാഹിതനാണ്. സഹോദരങ്ങൾ: മൊയ്തീൻകുട്ടി (ഇൻഡോ- സ്വിസ് വാച്ച്സ് ഡീലേഴ്സ്, ചന്തപ്പുര, കൊടുങ്ങല്ലുർ), സൈനബ, അബ്ദുൽ ജബ്ബാർ, പരേതരായ ജമാലുദ്ദീൻ, അബ്ദുസ്സലാം. മാധ്യമം എക്സിക്യൂട്ടീവ് എഡിറ്റർ പി.ഐ. നൗഷാദ്, ജമാഅത്തെ ഇസ്ലാമി തൃശൂർ ജില്ല പ്രസിഡന്റ് കെ.കെ. ഷാനവാസ്, സെക്രട്ടറി ഉമർ അബൂബക്കർ തുടങ്ങിയവർ വീട് സന്ദർശിച്ചു.