അഴീക്കോട്: കോൺഗ്രസ് നേതാവും എൻ.ജി.ഒ അസോസിയേഷൻ സംസ്ഥാന വൈസ് പ്രസിഡന്റുമായിരുന്ന നീതിന്യായ വകുപ്പ് റിട്ട. സീനിയർ സൂപ്രണ്ട് ഇ.കെ. അലി മുഹമ്മദ് (59) നിര്യാതനായി. ഡൽഹി എയിംസ് ആശുപത്രിയിൽ ചികിത്സയിലായിരുന്നു. അഴീക്കോട് മേനോൻബസാറിൽ പരേതരായ വിദ്യാഭ്യാസ വകുപ്പ് റിട്ട. സൂപ്രണ്ട് എറമംഗലത്ത് കുഞ്ഞുമുഹമ്മദ്‌ -റിട്ട. എച്ച്.എം ഉമ്പാത്തുക്കുട്ടി ദമ്പതികളുടെ മകനാണ്. പൊതുരംഗത്ത് സജീവമായിരുന്ന ഇദ്ദേഹം കെ.എസ്.യു, യൂത്ത് കോൺഗ്രസ് നേതൃരംഗത്തും കോളജ് യൂനിയൻ ഭാരവാഹിയായും പ്രവർത്തിച്ചു. സർവിസ് സംഘടന രംഗത്തും സജീവമായിരുന്നു. എൻ.ജി.ഒ അസോസിയേഷൻ ജില്ല പ്രസിഡന്റായും കോൺഗ്രസ് അഴീക്കോട് മണ്ഡലം കമ്മിറ്റി പ്രസിഡന്റായും പ്രവർത്തിച്ചിട്ടുണ്ട്. ഭാര്യ: ഫാത്തിമ (റിട്ട. ഡെപ്യൂട്ടി തഹസിൽദാർ). മക്കൾ: മിസ്ന, ഡോ. നിദാൽ (എം.എസ് വിദ്യാർഥി ഡൽഹി എയിംസ്), ഇക്ബാൽ (എം.ബി.ബി.എസ് വിദ്യാർഥി, ബെല്ലാരി മെഡിക്കൽ കോളജ്). മരുമക്കൾ: ഷഫീർ (മസ്‌കത്ത്), ഡോ. ഫാത്തിമ നിദാൽ. സഹോദരങ്ങൾ: ഐഷാബി റസാഖ് (റിട്ട. എച്ച്.എം, കരുവന്നൂർ ജി.എൽ.പി.എസ്), ഹാജറാബി റഹീം (റിട്ട. എച്ച്.എം, എസ്.വി.പി.എൽ.പി.എസ് എറിയാട്), ഫാത്തിമാബി റഷീദ് (റിട്ട. എംപ്ലോയ്മെന്റ് ഓഫിസർ). ഖബറടക്കം തിങ്കളാഴ്ച ഉച്ചക്ക് രണ്ടിന് അഴീക്കോട് പുത്തൻപള്ളി ഖബർസ്ഥാനിൽ.
