ആനക്കര: പിറകോട്ട് എടുത്ത പിക്അപ് വാൻ തട്ടി ഒന്നര വയസ്സുകാരൻ മരിച്ചു. കുമ്പിടി ഉമ്മത്തൂർ പൈങ്കണ്ണതൊടിയിൽ മുബാറക്കിന്റെ മകൻ മുഹമ്മദ് മുസമ്മിലാണ് മരിച്ചത്. തൊട്ടടുത്ത വീട്ടിലെ വിറക് പൊളിക്കാൻ വന്ന പിക്അപ് വാൻ പുറകോട്ട് എടുക്കുമ്പോൾ കുട്ടിയുടെ ദേഹത്ത് തട്ടുകയായിരുന്നു. ഉടൻ എടപ്പാളിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മാതാവ്: ആരിഫമോൾ. സഹോദരങ്ങൾ: ഫാത്തിമ ദിൽഷ, മുഹമ്മദ് ഇല്യാസ്.