വടക്കാഞ്ചേരി: വാഹനങ്ങളുടെ കൂട്ടിയിടിയിൽ ഓട്ടോറിക്ഷ ഡ്രൈവർക്ക് ദാരുണാന്ത്യം. എങ്കക്കാട് ചക്കുചാത്തുപറമ്പിൽ വീട്ടിൽ രാമചന്ദ്രനാണ് (54) മരിച്ചത്. പാർളിക്കാട്ട് ഞായറാഴ്ച രാത്രി ഒമ്പതോടെയാണ് അപകടം ഉണ്ടായത്. രാമചന്ദ്രൻ ഓടിച്ച ഓട്ടോറിക്ഷയും കാറും ജീപ്പും മിനി ബസുമാണ് ഇടിച്ചത്. പരിക്കേറ്റ രാമചന്ദ്രനെയും ജീപ്പ് യാത്രിക കൊല്ലം സ്വദേശി അഞ്ജനയെയും (26) ഉടൻ മുളങ്കുന്നത്തുകാവ് ഗവ. മെഡിക്കൽ കോളജ് ആശുപത്രിയിൽ എത്തിച്ചെങ്കിലും രാമചന്ദ്രന്റെ മരണം സ്ഥിരീകരിച്ചു. വടക്കാഞ്ചേരി ബ്ലോക്ക് കോൺഗ്രസ് കമ്മിറ്റി ജനറൽ സെക്രട്ടറിയും ഓട്ടോ ഡ്രൈവേഴ്സ് ഓണേഴ്സ് സംഘം പ്രസിഡന്റുമാണ്. ഭാര്യ: ശുഭ. മക്കൾ: ദേവദത്ത്, ശ്രീക്കുട്ടി.