ചാലക്കുടി: ബൈക്കും ലോറിയും കൂട്ടിമുട്ടി ഇടുക്കി സ്വദേശിയായ യുവാവ് മരിച്ചു. നേര്ഗിരി ചെട്ടിമറ്റത്തിൽ മംഗൾസിങ്ങിന്റെ മകൻ അജിത്താണ് (25) മരിച്ചത്. തിങ്കളാഴ്ച രാത്രി 11.50ഓടെ ദേശീയപാതയിൽ പോട്ട സിഗ്നലിന് സമീപമായിരുന്നു അപകടം. ലോറി ഡ്രൈവറായ ഇദ്ദേഹം ബൈക്കിൽ തൃശൂരിലേക്ക് വരുമ്പോഴാണ് അപകടം. ഒപ്പം മറ്റൊരു ബൈക്കിൽ സുഹൃത്തും ഉണ്ടായിരുന്നു. അപകടത്തെ തുടർന്ന് ചാലക്കുടിയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. മാതാവ്: സെലീന. സഹോദരിമാർ: അഞ്ജു, അഞ്ജന.