ചെറുതുരുത്തി: മധ്യവയസ്കൻ ഷൊർണൂർ റെയിൽവേ സ്റ്റേഷനിൽ കുഴഞ്ഞുവീണ് മരിച്ചു. ആറ്റൂർ പാറപ്പുറം കുമ്മിടി വളപ്പിൽ പരേതനായ കുഞ്ഞിമൊയ്തുവിന്റെ മകൻ അബ്ദുൽ അസീസാണ് (52) മരിച്ചത്. വെള്ളിയാഴ്ച രാവിലെ ഒമ്പതിന് പുണെയിലുള്ള മകളുടെ അടുക്കലേക്ക് പോകാൻ ഭാര്യ കദീജയുമായി സ്റ്റേഷനിൽ നിൽക്കവേ കുഴഞ്ഞുവീഴുകയായിരുന്നു.റെയിൽവേ പൊലീസെത്തി ചെറുതുരുത്തിയിലെ സ്വകാര്യ ആശുപത്രിയിലെത്തിച്ചെങ്കിലും ചികിത്സക്കിടെ മരിച്ചു. മാതാവ്: പരേതയായ ഫാത്തിമ. മക്കൾ: ആയിഷ, സാബിത്ത്, ഹിസാന. മരുമകൻ: നാറൂൺ റഷീദ്. പുണെയിലുള്ള മകളും കുടുംബവും എത്തിയ ശേഷം ആറ്റൂർ പാറപ്പുറം ജുമാ മസ്ജിദ് ഖബർസ്ഥാനിൽ ഖബറടക്കുമെന്ന് ബന്ധുക്കൾ അറിയിച്ചു.
