കുരിയച്ചിറ: ഫ്ലാറ്റിന്റെ 15ാം നിലയിൽനിന്ന് വീണ് യുവതി മരിച്ചു. വളർക്കാവ് ദേശായി ഹോംസിന്റെ 15ാം നിലയിൽ താമസിക്കുന്ന കുറുക്കഞ്ചേരി സ്വദേശി കൈപറമ്പിൽ ഷബീറിന്റെ ഭാര്യ സോഫിയയാണ് (36) മരിച്ചത്. ശനിയാഴ്ച വൈകീട്ട് അഞ്ചോടെ ഫ്ലാറ്റിന്റെ 15ാം നിലയിലെ ബാൽക്കണിയിൽനിന്ന് വീണ നിലയിലാണ് കണ്ടത്. ഒല്ലൂരിൽനിന്ന് ആക്ട്സ് പ്രവർത്തകരെത്തി ജില്ല ആശുപത്രിയിൽ എത്തിച്ചെങ്കിലും മരിച്ചിരുന്നു. കുവൈത്തിൽ താമസിച്ചിരുന്ന കുടുംബം ഒമ്പത് മാസമായി ആന്റണി എന്നയാളുടെ ഉടമസ്ഥതയിലുള്ള ഈ ഫ്ലാറ്റിൽ വാടകക്ക് താമസിക്കുകയായിരുന്നു. ഭർത്താവ് ഷബീർ ഫുഡ് ഡെലിവറി ബിസിനസ് ചെയ്യുകയാണ്. ഒല്ലൂർ പൊലീസ് മേൽ നടപടികൾ സ്വീകരിച്ചു.
