ലോറി നിർത്താതെ പോയി
നിലമ്പൂർ: ഭർത്താവിനൊപ്പം സ്കൂട്ടറിൽ യാത്രചെയ്യവെ ചരക്കുലോറി ഇടിച്ച് യുവതി മരിച്ചു. ചാലിയാർ നമ്പൂരിപ്പൊട്ടി വാഴേൽ പടിയാറ്റിൽ സുധീഷിന്‍റെ ഭാര്യ പ്രിജി (32) ആണ് മരിച്ചത്.
വണ്ടൂരിൽ പി.എസ്.സി പരീക്ഷ എഴുതാൻ പോകവെ ശനിയാഴ്ച ഉച്ചക്ക് 12ന് കെ.എൻ.ജി റോഡിൽ താഴെ ചന്തക്കുന്നിലാണ് അപകടം. അതേ ദിശയിൽ പോയ നാഷനൽ പെർമിറ്റ് ലോറി തട്ടി സ്കൂട്ടർ മറിഞ്ഞ് പ്രിജി ലോറിക്കടിയിലേക്ക് വീഴുകയായിരുന്നു. ലോറി നിർത്താതെ പോയി. നാട്ടുകാർ പ്രിജിയെ ആദ്യം ജില്ല ആശുപത്രിയിലെത്തിച്ചു. കോഴിക്കോട് മെഡിക്കൽ കോളജ് ആശുപത്രിയിലേക്ക് കൊണ്ടുപോകുമ്പോഴാണ് മരിച്ചത്. മക്കൾ: കാർത്തിക്, ആദി ശങ്കർ, ആദി സ്വരൂപ്. സംസ്കാരം ഞായറാഴ്ച രാവിലെ ഒമ്പതിന്.
