ആമ്പല്ലൂർ: അളഗപ്പ നഗറിൽ കാറിടിച്ച് പരിക്കേറ്റ് ചികിത്സയിലിരുന്ന വയോധികൻ മരിച്ചു. വെണ്ടോർ കുന്നത്തു വീട്ടിൽ ജോർജാണ് (65) മരിച്ചത്. ശനിയാഴ്ച വൈകീട്ട് അളഗപ്പ നഗർ യൂനിയൻ സ്റ്റോപ്പിന് സമീപം കാർ ജോർജിനെ ഇടിച്ചുതെറിപ്പിക്കുകയായിരുന്നു. ഗുരുതര പരിക്കേറ്റ ജോർജ് മുളങ്കുന്നത്തുകാവ് മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണ് മരിച്ചത്. പുതുക്കാട് പൊലീസ് തുടർനടപടി സ്വീകരിച്ചു.
