ചാവക്കാട്: കടപ്പുറം പഞ്ചായത്ത് കുടുംബശ്രീ സി.ഡി.എസ് അംഗം ഇരട്ടപ്പുഴ ചെട്ടിപ്പാറൻ ഗണേശന്റെ ഭാര്യ ലളിത (43) നിര്യാതയായി. ചാവക്കാട് അസംഘടിത തൊഴിലാളി സംഘം (ബി.എം.എസ്) അംഗവും ഇരട്ടപ്പുഴ ഉദയ വായനശാല വനിത വേദി കൺവീനറുമാണ്. അസുഖത്തെ തുടർന്ന് ചാവക്കാട് താലൂക്ക് ആശുപത്രിയിലും പിന്നീട് സ്വകാര്യ ആശുപത്രിയിലും ചികിത്സ തേടിയിരുന്നു. രോഗം മൂർച്ഛിച്ചതിനാൽ തൃശൂരിലെ സ്വകാര്യ ആശുപത്രിയിലേക്ക് കൊണ്ടുപോകുന്നതിനിടയിലാണ് അന്ത്യം. മൃതദേഹം അമല ആശുപത്രി മോർച്ചറിയിൽ. മകൻ: ശ്രേയസ്.
