ആമ്പല്ലൂർ: വരന്തരപ്പിള്ളി പള്ളിക്കുന്ന് ഇറക്കത്ത് ബൈക്കുകൾ കൂട്ടിയിടിച്ച് പരിക്കേറ്റ് ചികിത്സയിലിരുന്ന യുവാവ് മരിച്ചു. നടാംപാടം കടലങ്ങാട്ട് സണ്ണിയുടെ മകൻ ഷോണാണ് (25) മരിച്ചത്. കഴിഞ്ഞ തിങ്കളാഴ്ച രാത്രി 11 മണിക്കായിരുന്നു അപകടം. കാളക്കല്ലിലെ ടർഫിൽ ഫുട്ബാൾ മത്സരം കണ്ട് മടങ്ങുന്നതിനിടെ മറ്റൊരു ബൈക്കുമായി കൂട്ടിയിടിക്കുകയായിരുന്നു. തലക്ക് ഗുരുതര പരിക്കേറ്റ ഷോൺ തൃശൂരിലെ സ്വകാര്യ ആശുപത്രിയിൽ ചികിത്സയിലിരിക്കെ വെള്ളിയാഴ്ച പുലർച്ചയാണ് മരിച്ചത്. വരന്തരപ്പിള്ളി പടിഞ്ഞാട്ടുമുറി കുന്നത്തേരി വീട്ടിൽ നന്ദുകൃഷ്ണ (27), നടാംപാടം സ്വദേശികളായ കൂട്ടാല സന്ദീപ്, ഷാനു എന്നിവർക്കും അപകടത്തിൽ പരിക്കേറ്റിരുന്നു. ഇതിൽ നന്ദു കൃഷ്ണ തീവ്രപരിചരണ വിഭാഗത്തിൽ ചികിത്സയിലാണ്. വരന്തരപ്പിള്ളി പൊലീസ് മേൽനടപടി സ്വീകരിച്ചു.
