നിലമ്പൂർ: കെ.എൻ.ജി റോഡിൽ തേക്ക് മ‍്യൂസിയത്തിന് സമീപം ഗുഡ്സ് ഓട്ടോയും ലോറിയും കൂട്ടിയിടിച്ച് യുവാവ് മരിച്ചു. ചുങ്കത്തറ മുട്ടിക്കടവ് മുപ്പാലി പൊട്ടി ആനക്കാഞ്ചേരി ഹംസയുടെ മകൻ ഷഫീഖ് (35) ആണ് മരിച്ചത്. ബുധനാഴ്ച പുലർച്ചെ 12.15നാണ് അപകടം. ഓറഞ്ച് കച്ചവടക്കാരനായ ഇയാൾ കച്ചവടം കഴിഞ്ഞ് വീട്ടിലേക്ക് മടങ്ങുമ്പോഴാണ് ഗുഡ്സിൽ ലോറി ഇടിച്ചത്. ഉടൻ നിലമ്പൂർ ജില്ല ആശുപത്രിയിലും തുടർന്ന് കോഴിക്കോട് മെഡിക്കൽ കോളജ് ആശുപത്രിയിലും എത്തിച്ചെങ്കിലും രക്ഷിക്കാനായില്ല. പ്രവാസിയായിരുന്ന ഇയാൾ നാട്ടിൽ വന്ന ശേഷം കുറച്ച് നാളുകളായി ചന്തക്കുന്ന്, കരിമ്പുഴ എന്നിവിടങ്ങളിൽ ഓറഞ്ച് വിൽപന നടത്തിവരികയായിരുന്നു. ഭാര‍്യ: ദിൽന. മകൾ: നിയ.
