ചാലക്കുടി: അതിരപ്പിള്ളി റോഡിൽ എലിഞ്ഞിപ്ര ഖാദിപ്പറമ്പിന് സമീപം ബൈക്കും ഓട്ടോയും കൂട്ടിയിടിച്ച് യുവാവ് മരിച്ചു. എലിഞ്ഞിപ്ര ഇരുളിൽ വീട്ടിൽ ജോണിയുടെയും രേഖയുടെയും മകൻ എഡ്വിനാണ് (22) മരിച്ചത്. വെള്ളിയാഴ്ച രാത്രി ഒമ്പതിനാണ് അപകടം. ഓട്ടോയുമായി കൂട്ടിയിടിച്ച് നിയന്ത്രണം നഷ്ടപ്പെട്ട ബൈക്ക് സമീപത്തെ മതിലിൽ ഇടിച്ചാണ് എഡ്വിന് പരിക്കേറ്റത്. ചാലക്കുടിയിലെ സ്വകാര്യ ആശുപത്രിയിൽ ചികിത്സയിലിരിക്കെ ശനിയാഴ്ച പുലർച്ച 2.40 നാണ് മരിച്ചത്. പഠനം കഴിഞ്ഞ് മർച്ചന്റ് നേവിയിൽ അടുത്ത മാസം ജോലിക്ക് കയറാനിരിക്കുകയായിരുന്നു. ചാലക്കുടി പൊലീസ് നടപടി സ്വീകരിച്ചു.
