ആമ്പല്ലൂർ: കെ.എസ്.ആർ.ടി.സി ബസിൽ യാത്രക്കാരി കുഴഞ്ഞുവീണ് മരിച്ചു. വരന്തരപ്പിള്ളി നന്തിപുലം മാട്ടുമല രാമൻമഠത്തിൽ സുന്ദർരാജിന്റെ ഭാര്യ റാണിയാണ് (64) മരിച്ചത്. ബുധനാഴ്ച ഉച്ചയോടെയായിരുന്നു സംഭവം. കൊടകരയിൽനിന്ന് ഭർത്താവിനൊപ്പം പുതുക്കാട്ടേക്ക് ബസിൽ പോകുന്നതിനിടെ നന്തിക്കരയിൽ എത്തിയപ്പോൾ റാണിക്ക് ദേഹാസ്വാസ്ഥ്യം അനുഭവപ്പെടുകയായിരുന്നു. ഉടൻ ഇതേ ബസിൽ പുതുക്കാട് താലൂക്ക് ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു. പുതുക്കാട് പൊലീസ് നടപടി സ്വീകരിച്ചു. മകൾ: ദുർഗ. മരുമകൻ: പ്രസാദ്.