മതിലകം: സി.പി.ഐ നേതാവ് കെ.എ. കുഞ്ഞിമൊയ്തീൻ (സഖാവ് കേരളീയൻ -92) നിര്യാതനായി. കൊടുങ്ങല്ലൂരിലെ എടവിലങ്ങ് കുഞ്ഞൈനി കുറ്റിക്കാട്ട് പരേതരായ അബ്ദുറഹ്മാന്റെയും അലീമയുടെയും മകനാണ്. സിലോൺ ജീവിതകാലത്താണ് കേരളീയൻ എന്ന പേരിൽ അറിയപ്പെടാൻ തുടങ്ങിയത്. കമ്യൂണിസ്റ്റ് പാർട്ടി നേതാക്കളുമായി അടുത്ത ബന്ധമുണ്ടായിരുന്നു. സി.പി.ഐയുടെ വിവിധ ഘടകങ്ങളിൽ അംഗമായി പ്രവർത്തിച്ചിട്ടുണ്ട്. കേരളീയന്റെ ഡയറിക്കുറിപ്പുകൾ ‘നേരക്ഷരങ്ങൾ’ പേരിൽ എഴുത്തുകാരൻ ബഷീർ വടക്കൻ പുസ്തകമായി പുറത്തിറക്കിയിട്ടുണ്ട്. ഭാര്യ: മതിലകം വാച്ചേരി ഇസ്മായിൽ മുസ്‍ലിയാരുടെ മകൾ കൊച്ചാമി. മക്കൾ: ഷെഫിർ (യു.എ.ഇ), ഷെമി. മരുമക്കൾ: റസീന, സക്കീർ.
