കോട്ടായി: മീൻ കയറ്റിയ വാഹനമിടിച്ച് ബൈക്ക് യാത്രികൻ മരിച്ചു. മണ്ണൂർ ചീരാങ്കോട് പള്ളിയാലിൽ ലീലയുടെ മകൻ ശ്രീജേഷ് (25) ആണ് മരിച്ചത്. വെള്ളിയാഴ്ച അർധരാത്രി കോട്ടായി സെന്ററിനു സമീപം പൂടുർ റോഡിലെ വളവിലാണ് അപകടം. ഉടനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. കെട്ടിട നിർമാണത്തൊഴിലാളിയാണ് ശ്രീജേഷ്. സഹോദരൻ: ശ്രീജിത്ത്. കോട്ടായി പൊലീസ് ഇൻക്വസ്റ്റ് നടത്തി.
