ചങ്ങരംകുളം: ഗുഡ്സ് ഓട്ടോയിടിച്ച് ബൈക്ക് യാത്രികന്‍ മരിച്ചു. കല്ലുര്‍മ സ്വദേശി തലേക്കര രാജനാണ് (38) മരിച്ചത്. ചങ്ങരംകുളം ചിറവല്ലൂല്‍ റോഡില്‍ ഐനിച്ചോട് സ്കൂളിനടുത്ത് ചൊവ്വാഴ്ച ഉച്ചക്ക് ഒന്നോടെയാണ് അപകടം. ചങ്ങരംകുളം ഭാഗത്തേക്ക് വന്ന ഗുഡ്സ് ഓട്ടോ എതിരെവന്ന രാജന്‍ സഞ്ചരിച്ച ബൈക്കില്‍ ഇടിക്കുകയായിരുന്നു. ഗുരുതര പരിക്കേറ്റ രാജനെ നാട്ടുകാര്‍ ചേര്‍ന്ന് ചങ്ങരംകുളത്തെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു. ചങ്ങരംകുളം സണ്‍റൈസ് ആശുപത്രിയില്‍ മോര്‍ച്ചറിയില്‍ സൂക്ഷിച്ച മൃതദേഹം ചങ്ങരംകുളം പൊലീസ് ഇന്‍ക്വസ്റ്റ് നടത്തി. മൃതദേഹം പോസ്റ്റ്മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുക്കും. രാജൻ അവിവാഹിതനാണ്. പിതാവ്: പരേതനായ കുഞ്ഞുമോൻ. മാതാവ്: ശാരദ. സഹോദരങ്ങൾ: സുജാത, അച്യുതൻ, സുബ്രഹ്മണ്യൻ, മണികണ്ഠൻ.
