ചെന്ത്രാപ്പിന്നി: എറണാകുളത്ത് വാഹനാപകടത്തിൽ ചെന്ത്രാപ്പിന്നി സ്വദേശി മരിച്ചു. ചെന്ത്രാപ്പിന്നി കണ്ണനാംകുളം റോഡിൽ സലഫി പള്ളിക്കടുത്ത് മേലറ്റത്ത് മജീദിന്റെ മകൻ സഅദ് (28) ആണ് മരിച്ചത്. ബുധനാഴ്ച രാത്രി 12നായിരുന്നു അപകടം. ജോലി കഴിഞ്ഞ് വരികയായിരുന്ന സഅദിന്റെ ബൈക്ക് റോഡിലെ ഹമ്പിൽ കയറിയാണ് അപകടം ഉണ്ടായതെന്ന് പറയുന്നു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മാതാവ്. ബുഷ്റ. സഹോദരങ്ങൾ: അബ്ദുൽ സമദ്, സാബിത്ത്, സാദിഖ്.