ആമ്പല്ലൂർ: ദേശീയപാത നന്തിക്കരയില്‍ ബൈക്ക് ഡിവൈഡറിലെ മിനി മാസ്റ്റ് പോസ്റ്റിൽ ഇടിച്ച് യാത്രക്കാരൻ മരിച്ചു. കൊരട്ടി സ്വദേശി പേടിക്കാട്ട് വീട്ടിൽ ഹംസയുടെ മകൻ റഷീദാണ് (48) മരിച്ചത്. വ്യാഴാഴ്ച രാവിലെ പത്തരയോടെയാണ് അപകടം. തൃശൂരിലെ ആശുപത്രിയിൽ ചികിത്സയിൽ കഴിയുന്ന ബന്ധുവിനെ കാണാൻ പോവുന്നതിനിടെയാണ് അപകടം. തലക്ക് ഗുരുതര പരിക്കേറ്റ റഷീദിനെ ചാലക്കുടിയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പുതുക്കാട് പൊലീസ് മേൽനടപടി സ്വീകരിച്ചു. മാതാവ്: റസിയ. ഭാര്യ: ജാസ്മിൻ. മക്കൾ: അൽസിഫ, ആഷിക്.
