കുറ്റിപ്പുറം: ഭാരതപ്പുഴയിൽ ഹൈസ്കൂൾ കടവിൽ അജ്ഞാത മൃതദേഹം കണ്ടെത്തി. വ്യാഴാഴ്ച വൈകീട്ട് മൂന്നോടെ മീൻപിടിക്കുന്നവരാണ് മൃതദേഹം കണ്ടത്. തുടർന്ന് പൊലീസിനെ അറിയിക്കുകയായിരുന്നു. 50 വയസ്സ് തോന്നിക്കുന്ന പുരുഷന്റെ മൃതദേഹം വെള്ളത്തിൽ കമിഴ്ന്നുകിടക്കുന്ന നിലയിലായിരുന്നു. തിരൂർ ഫയർ ഓഫിസർ മനോജിന്റെ നേതൃത്വത്തിൽ കരക്കെത്തിച്ച് മഞ്ചേരി മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. കുറ്റിപ്പുറം എസ്.ഐ സിദ്ദീഖിന്റെ നേതൃത്വത്തിൽ നടപടിക്രമങ്ങൾ പൂർത്തീകരിച്ചു.
