വണ്ടൂർ: സഹോദരനോടൊപ്പം നീന്തൽക്കുളത്തിൽ പരിശീലനത്തിനെത്തിയ വിദ്യാർഥി മുങ്ങിമരിച്ചു. കുറ്റിയിൽ പുളിശ്ശേരിയിലെ വാളശേരി ഫൈസൽ ബാബുവിന്റെ മകൻ മുഹമ്മദ്‌ കെൻസ് (17) ആണ് മരിച്ചത്. ഞായറാഴ്ച രാവിലെ 7.30ഓടെ നടുവത്ത് തിരുവമ്പാടിയിലെ സ്വകാര്യ വ്യക്തിയുടെ ഉടമസ്ഥതയിലുള്ള നീന്തൽക്കുളത്തിലാണ് അപകടം. സഹോദരൻ ബിന്യാമിനൊപ്പം നീന്തൽ പരിശീലനത്തിനെത്തിയ കെൻസ് നീന്തുന്നതിനിടെ മുങ്ങിത്താഴുകയായിരുന്നു.ബിന്യാമിൻ ബഹളംവെച്ച് നീന്തൽക്കുളം ഉടമയെ വിളിച്ചുവരുത്തിയാണ് കെൻസിനെ പുറത്തെടുത്തത്. വണ്ടൂർ ഗവ. വി.എം.സി ഹയർസെക്കൻഡറി സ്കൂളിലെ പ്ലസ് ടു വിദ്യാർഥിയാണ്. മാതാവ്: സൈഫുന്നിസ. റിസോർട്ടിനോട്‌ ചേർന്ന കുളത്തിന് മതിയായ അനുമതിയില്ലെന്നും കേസെടുത്ത് അന്വേഷണം ആരംഭിച്ചതായും വണ്ടൂർ പൊലീസ് അറിയിച്ചു.
