പെരുമണ്ണ: മുൻ ഗ്രാമ പഞ്ചായത്ത് അംഗം പയ്യടിമേത്തൽ കൊടക്കാട്ട് അശോകൻ (67) നിര്യാതനായി. സി.പി.എം പയ്യടിമീത്തൽ ലോക്കൽ കമ്മറ്റി അംഗം, പയ്യടിമേത്തൽ വാർഡ് വികസന സമിതി കൺവീനർ, സി.ഐ.ടി.യു നിർമ്മാണ തൊഴിലാളി യൂനിയൻ കുന്ദമംഗലം ഏരിയ വൈസ് പ്രസിഡന്റ്, പെരുമണ്ണ കോഓപറേറ്റിവ് അഗ്രികൾച്ചറൽ ഡെവലപ്മെന്റ് സൊസൈറ്റി മുൻ ഡയരക്ടർ, പയ്യടിമേത്തൽ കയർ സൊസൈറ്റി ഡയറക്ടർ ബോർഡ് അംഗം എന്നിനിലകളിൽ പ്രവർത്തിച്ചിരുന്നു. ഭാര്യ: ശ്രീജ. മകൻ: കെ. അബിജേഷ് (സി.പി.എം കുന്ദമംഗലം ഏരിയ കമ്മറ്റി അംഗം). മരുമകൾ: ജി.എസ്. ദൃശ്യ. സഹോദരങ്ങൾ: സുരേന്ദ്രൻ, വിജയൻ, തങ്കമണി. പരേതന്റെ കണ്ണുകൾ മരണാനന്തരം ദാനം ചെയ്തു.
