അബഹ (സൗദി): മലപ്പുറം കാരക്കുന്ന് സ്വദേശി അബ്ദുൽ കരീം കുറുംകാടൻ (55) ഖമീസ് മുശൈത്തിൽ മരിച്ചു. നേരത്തെ ഇദ്ദേഹം സൗദിയിൽ പ്രവാസിയായിരുന്നെങ്കിലും ജോലി അവസാനിപ്പിച്ച് നാട്ടിലേക്ക് മടങ്ങിയിരുന്നു. കഴിഞ്ഞമാസം 12ന് വീണ്ടും ഖമീസിൽ ഹൗസ് ഡ്രൈവർ ആയി ജോലിക്കെത്തിയതായിരുന്നു. എത്തിയത് മുതൽ ഇദ്ദേഹത്തെ പലവിധ ആരോഗ്യപ്രശ്നങ്ങൾ അലട്ടിയിരുന്നതിനാൽ അടുത്തദിവസം നാട്ടിലേക്ക് പോകാനിരിക്കുകയായിരുന്നു. ജർമൻ ആശുപത്രിയിലായിരുന്നു മരണം. സന്ദർശന വിസയിൽ മകൾ ഐഷ മിസ്ന മക്കയിലുണ്ട്. ഭാര്യ: അഫ്സത്ത്. മറ്റുമക്കൾ: ഫാബിയ, മിഷ്അൽ ഹനാൻ, മാസിൻ ഹംദാൻ. മരുമക്കൾ: ഹാരിസ് ഇരുവേറ്റി, ഫൈഹാസ് മൊറയൂർ. മൃതദേഹം ഖമീസിൽ ഖബറടക്കും.
