കൂറ്റനാട്: കരിമ്പ പാലക്കൽ പീടിക സ്വദേശി ഒമാനില് നിര്യാതനായി. അച്ചാരത്ത് മുഹമ്മദ് ഷഫീഖാണ് (27) മരിച്ചത്. ചൊവ്വാഴ്ച രാത്രി കിടന്നുറങ്ങിയ മുഹമ്മദ് ഷഫീഖ് നേരം വെളുത്തിട്ടും എഴുന്നേൽക്കാത്തതിനെ തുടർന്ന് സുഹൃത്തുക്കൾ നടത്തിയ പരിശോധനയിൽ മരിച്ച നിലയിൽ കണ്ടെത്തുകയായിരുന്നു. പിതാവ്: ഉമർ. മാതാവ്: നഫീസ. ഭാര്യ: അനീഷ. മൃതദേഹം ഒമാനിൽനിന്ന് നാട്ടിൽ എത്തിക്കാനുള്ള നടപടികൾ പുരോഗമിച്ചുവരികയാണ്.