തിരൂരങ്ങാടി: ചെറുമുക്ക് ജി.എം.എൽ.പി സ്കൂളിനുസമീപത്തെ ഇറക്കത്തിൽ ബൈക്ക് മതിലിലിടിച്ച് വിദ്യാർഥി മരിച്ചു. വേങ്ങര ചേറൂർ സ്വദേശി പനക്കൽ അബ്ദുൽ അസീസിന്റെയും സുമയ്യയുടെയും മകൻ മുഹമ്മദ് നാസിഹാണ് (16) മരിച്ചത്.
മാതാവിന്റെ നാടായ ചെറുമുക്കിൽ വിവാഹ സൽക്കാരത്തിൽ പങ്കെടുക്കാൻ എത്തിയതായിരുന്നു.
ചെറുമുക്ക് ടൗണിലെ മദ്റസയിലേക്ക് അമ്മാവന്റെ മകനെ ബൈക്കിൽ കൊണ്ടുപോയി തിരികെ വരുമ്പോഴാണ് അപകടം. ഉടൻ തിരൂരങ്ങാടിയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. വേങ്ങര ചേറൂർ പി.പി.ടി.എം ഹയർ സെക്കൻഡറി സ്കൂൾ 10ാം ക്ലാസ് വിദ്യാർഥിയാണ്.
തിരൂരങ്ങാടി താലൂക്ക് ആശുപത്രിയിൽ പോസ്റ്റ്മോർട്ടത്തിനുശേഷം ചേറൂർ ചണ്ണയിൽ ജുമാമസ്‌ജിദിൽ ഖബറടക്കി. സഹോദരങ്ങൾ: അബ്ദുൽ നാഫിഹ്, മുഹമ്മദ് നാദിഹ്.
