മഞ്ചേരി: ആനക്കയം പന്തല്ലൂരിൽ വിദ്യാർഥി കുളത്തിൽ വീണ് മരിച്ചു. തെക്കുംപാട് കടമ്പോട് പട്ടമ്മാർത്തൊടി രവീന്ദ്രന്റെ മകൻ ഇരുപ്പകണ്ടൻ നിവേദാണ് (13) മരിച്ചത്. വെള്ളിയാഴ്ച ഉച്ചക്ക് മൂന്നിന് ശേഷം കുട്ടിയെ കാണാത്തതിനെ തുടർന്ന് നടത്തിയ തിരച്ചിലിലാണ് നാലോടെ കുളത്തിനു സമീപം ചെരിപ്പ് കണ്ടത്. തുടർന്ന് കുളത്തിൽ നടത്തിയ തിരച്ചിലിലാണ് മരിച്ച നിലയിൽ കണ്ടത്. നെന്മിനി വിദ്യാജ്യോതി യു.പി സ്‌കൂൾ വിദ്യാർഥിയാണ്. മൃതദേഹം മഞ്ചേരി മെഡിക്കൽ കോളജ് ആശുപത്രി മോർച്ചറിയിൽ. മാതാവ്: പരേതയായ ഷൈനി. സഹോദരി: നിഖിത.
