മാള: ദേശീയപാത പുതുക്കാട് നിർത്തിയിട്ട കണ്ടയ്നർ ലോറിയുടെ പിന്നിൽ ബൈക്കിടിച്ച് മാള സ്വദേശിയായ യുവാവ് മരിച്ചു. മാള പള്ളിപ്പുറം കാഞ്ഞൂത്തറ വീട്ടിൽ ജോയി-റാണി ദമ്പതികളുടെ മകൻ റിജോ (30) ആണ് മരിച്ചത്. ബുധനാഴ്ച പുലർച്ചെ മൂന്നരയോടെയാണ് അപകടം. ദേശീയപാതയിലേക്ക് അശ്രദ്ധമായി കയറ്റി നിർത്തിയ ലോറിയിൽ തൃശൂർ ഭാഗത്തേക്ക് പോയിരുന്ന ബൈക്ക് ഇടിക്കുകയായിരുന്നു. തലക്ക് ഗുരുതര പരിക്കേറ്റ റിജോയെ തൃശൂരിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പുതുക്കാട് പൊലീസ് മേൽനടപടി സ്വീകരിച്ചു.
