വിരാജ്‌പേട്ട: ഹുൻസൂർ ബൈപ്പാസ് റോഡിലെ അയ്യപ്പ ക്ഷേത്രത്തിന് സമീപം കെ.എസ്.ആർ.ടി.സി. ബസും പിക് അപ് ജീപ്പും കൂട്ടിയിടിച്ച് നാലുപേർ മരിച്ചു.
ഹെച്ച് ഡി. കോട്ടെ താലൂക്കിലെ തൊഴിലാളികളായ രാജേഷ് (35), ലോകേഷ് (40), സോമേഷ് (42), പിക് അപ് ഡ്രൈവർ മനു (26) എന്നിവരാണ് മരിച്ചവർ. അഞ്ചു പേർക്ക് പരിക്കേറ്റു. ഇതിൽ രവി കരി അയ്യ, നിങ്കരാജു എന്നിവരുടെ നില ഗുരുതരമാണ്. പരിക്കേറ്റവരെ മൈസൂർ കെ.ആർ. ആശുപത്രിയിൽ പ്രവേശിപ്പിച്ചു.
വിരാജ്പേട്ടയിൽനിന്നും ബാംഗ്ലൂരിലേക്ക് പോവുകയായിരുന്ന കർണാടക കെ.എസ് ആർ.ടി.സി. ഇലക്ട്രിക് ബസും ഹൂൻസൂരിൽനിന്നു പെരിയാട്ടണത്തുള്ള ഇഞ്ചി വയലിലെ ജോലിക്ക് തൊഴിലാളികളുമായി പോവുകയായിരുന്ന പിക് അപ് ജീപ്പുമാണ് കൂട്ടിയിടിച്ചത്.
ഹൂൻസൂർ പൊലീസ് കേസെടുത്തു.
