വടക്കേക്കാട്: വാഹനാപകടത്തിൽ പരിക്കേറ്റ ഗൃഹനാഥൻ മരിച്ചു. നമ്പീശൻപടി പരേതനായ മാതൃക നിവാസിൽ അപ്പുകുട്ടന്‍റെ മകൻ എൻ. രാജനാണ് (72) മരിച്ചത്. കഴിഞ്ഞ തിങ്കളാഴ്ച വൈകീട്ട് 4.30ഓടെ നായരങ്ങാടി പഞ്ചായത്ത് ഓഫിസിന് സമീപത്താണ് അപകടം. മൂന്നാംകല്ലിലെ പെർഫക്ട് എൻജിനീയറിങ് വർക്സ് സ്ഥാപന ഉടമയാണ്. സ്ഥാപനം അടച്ച് വീട്ടിലേക്ക് പോവുകയായിരുന്ന രാജന്‍റെ ബൈക്കും എതിരെ വന്ന വടക്കേക്കാട് സ്വദേശികളുടെ ബൈക്കും കൂട്ടിയിടിക്കുകയായിരുന്നു. തലക്ക് പരിക്കേറ്റ രാജനെ വടക്കേക്കാട്ടെ സ്വകാര്യ ക്ലിനിക്കിലും തുടർ ചികിത്സക്കായി തൃശൂരിലെ സ്വകാര്യ ആശുപത്രിയിലും മാറ്റുകയായിരുന്നു. വെള്ളിയാഴ്ച പകൽ 12 ഓടെയാണ് മരണം. ഭാര്യമാർ: മല്ലിക, പരേതയായ സുമതി. മക്കൾ: ജയാസ്‌, സുജേഷ്, ധന്യ. മരുമക്കൾ: ജിഷ, സുജ, ബിജു. മൃതദേഹം പോസ്റ്റുമോർട്ടത്തിന് ശേഷം ശനിയാഴ്ച സംസ്കരിക്കും.
