കൊയിലാണ്ടി: ഓട്ടോറിക്ഷ ഡ്രൈവറെ ട്രെയിൻ തട്ടി മരിച്ചനിലയിൽ കണ്ടെത്തി. വരണ്ടയില്‍ ഷൈജു(40)വിനെയാണ് ശനിയാഴ്ച രാവിലെ ബപ്പൻകാട് പാളത്തിനരികില്‍ മരിച്ചനിലയില്‍ കണ്ടത്. പാളത്തിനു സമീപത്തുകൂടി നടന്നുപോകുമ്പോള്‍ ട്രെയിൻ തട്ടിയതാണെന്നു കരുതുന്നു.
നാട്ടുകാരാണ് മൃതദേഹം കണ്ടത്. സംസ്ഥാന സാക്ഷരത മിഷന്‍ നടത്തുന്ന പത്താം തരം തുല്യത പരീക്ഷ കഴിഞ്ഞ വര്‍ഷം വിജയിച്ച ഷൈജു കൊയിലാണ്ടി ഗവ. വൊക്കേഷനൽ ഹയർ സെക്കൻഡറി സ്കൂൾ കേന്ദ്രമായി ഒന്നാം വര്‍ഷ ഹയര്‍ സെക്കൻഡറി തുല്യത കോഴ്‌സില്‍ ചേര്‍ന്ന് പഠനം തുടങ്ങിയിരുന്നു. പിതാവ്: പരേതനായ കുട്ടിരാമന്‍. മാതാവ്: കല്യാണി. ഭാര്യ: രാജി. മക്കള്‍: ഷ്മിന, തൃഷ.
