വടക്കാഞ്ചേരി: വാഹനാപകടത്തിൽ പരിക്കേറ്റ് ചികിത്സയിലായിരുന്ന സ്വകാര്യ ബസ് കണ്ടക്ടർ മരിച്ചു. നായരങ്ങാടി സ്വദേശി തേമ്പിള്ളി ലിനു (30) ആണ് മരിച്ചത്. ഡിസംബർ 14ന് പുലർച്ചെ പത്താഴക്കുണ്ട് പറമ്പായി റോഡിലാണ് അപകടം. ലിനു സഞ്ചരിച്ച ബൈക്കിൽ പാൽ കയറ്റി വന്ന പെട്ടി ഓട്ടോറിക്ഷയാണ് ഇടിച്ചത്. റോഡിലേക്ക് തെറിച്ചുവീണ് ഗുരുതര പരിക്കേറ്റ് തൃശൂർ ഗവ. മെഡിക്കൽ കോളജ് ആശുപത്രി തീവ്രപരിചരണ വിഭാഗത്തിൽ ചികിത്സയിലായിരുന്നു. പിതാവ്: മാത്യു. മാതാവ്: മേരി. സഹോദരൻ: ലിജു. സംസ്കാരം തിങ്കളാഴ്ച ഉച്ചക്ക് 12ന് കുത്തുപാറ മലങ്കര കതോലിക്ക പള്ളി സെമിത്തേരിയിൽ.
