പെരിഞ്ഞനം: ദേശീയപാതയിൽ പെരിഞ്ഞനത്ത് നിയന്ത്രണം വിട്ട കാർ സ്കൂട്ടറിൽ ഇടിച്ച് നേപ്പാൾ സ്വദേശി മരിച്ചു. നബീൻ ഗൗതമാണ് (28) മരിച്ചത്. കൂടെയുണ്ടായിരുന്ന സുഹൃത്ത് നൈന മുലേലിനെ പരിക്കുകളോടെ തൃശൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ദേശീയപാത 66ൽ പെരിഞ്ഞനത്ത് യമുന ഓഡിറ്റോറിയത്തിന് സമീപം തിങ്കളാഴ്ച പുലർച്ചെ മൂന്നേമുക്കാലോടെയാണ് അപകടം ഉണ്ടായത്. തെക്ക് ഭാഗത്ത് നിന്നും വന്നിരുന്ന സ്കൂട്ടറിൽ എതിരെ വന്നിരുന്ന കാർ ഇടിക്കുകയായിരുന്നു. പെരിഞ്ഞനത്തെ ലൈഫ് ഗാർഡ്‌സ് ആംബുലൻസ് പ്രവർത്തകരാണ് പരിക്കേറ്റവരെ ആശുപത്രിയിൽ എത്തിച്ചത്. ഇരുവരും മരം വെട്ട് തൊഴിലാളികളാണ്. രണ്ടാഴ്ചയായി എടമുട്ടത്ത് വാടകക്ക് താമസിക്കുകയാണ്.
