കൂത്തുപറമ്പ്: മർദനമേറ്റ് ചികിത്സയിലായിരുന്ന യുവാവ് മരിച്ചു. മാനന്തേരി അമ്പായക്കാട് കുട്ടിയാക്കുന്ന് വീട്ടിൽ കോട്ടായി ശ്രീജിത്താണ് (42) മരിച്ചത്. ഈ മാസം മൂന്നിന് ശ്രീജിത്തിന്റെ അമ്പായക്കാട്ടെ വീട്ടിൽവെച്ച് സുഹൃത്ത് കൂത്തുപറമ്പ് നരവൂർ സ്വദേശി അനീഷ് തലക്കടിച്ച് പരിക്കേൽപിക്കുകയായിരുന്നു. ചികിത്സക്കിടെ കോഴിക്കോട് മെഡിക്കൽ കോളജ് ആശുപത്രിയിലാണ് മരണം. കണ്ണവം പൊലീസ് അറസ്റ്റ് ചെയ്ത അനീഷ് റിമാൻഡിലാണുള്ളത്. പരേതനായ ശ്രീധരന്റെയും പത്മിനിയുടെയും മകനാണ്. സഹോദരങ്ങൾ: സജിത്ത്, ശ്രീജ.
