പള്ളിക്കുന്ന്: ടർഫിൽ കളിക്കുന്നതിനിടെ യുവാവ് കുഴഞ്ഞുവീണു മരിച്ചു. പള്ളിക്കുന്ന് ജയ് ജവാൻ റോഡ് ‘നവ്യ’യിൽ കെ.കെ. നവീൻ (35) ആണ് മരിച്ചത്. ഞായറാഴ്ച രാവിലെ പള്ളിക്കുന്നിലെ ടർഫിലായിരുന്നു സംഭവം. പരേതനായ കരിയിൽ വീട്ടിൽ സുമിത്രൻ (പയ്യാമ്പലം)-കെ.പി. പ്രഭ ദമ്പതികളുടെ മകനാണ്. ഭാര്യ: ഷിജി (അസിസ്റ്റന്റ് എൻജിനീയർ, ഇറിഗേഷൻ ഡിപ്പാർട്മെന്റ്, തലശ്ശേരി). സംസ്കാരം തിങ്കളാഴ്ച രാവിലെ 10ന് പയ്യാമ്പലത്ത്.
