താനൂർ: തിരൂർ താനൂർ റെയിൽവേ പാതയിൽ ദേവധാർ സ്കൂളിനടുത്തുള്ള റെയിൽവേ ട്രാക്കിനടുത്ത് ട്രെയിൻ തട്ടി മരിച്ച നിലയിൽ ഒരാളെ കണ്ടെത്തി. തിങ്കളാഴ്ച രാവിലെ 8.40നാണ് പരിക്കുകളോടെ ഇയാളുടെ മൃതദേഹം കണ്ടെത്തിയത്. 55 വയസ്സ് തോന്നിക്കുന്ന ഇയാൾ കറുപ്പിൽ വെളുത്ത കള്ളികളുള്ള ഷർട്ടും കാവി മുണ്ടുമാണ് ധരിച്ചിരുന്നത്. തിരൂർ ജില്ല ആശുപത്രിയിലാണ് മൃതദേഹം സൂക്ഷിച്ചത്. ഇയാളെ കുറിച്ച് അറിവുള്ളവർ 04942440221, 94979 81332 നമ്പറിൽ അറിയിക്കണമെന്ന് താനൂർ പൊലീസ് അറിയിച്ചു.
