നീലേശ്വരം: ഗുജറാത്തിലുണ്ടായ വാഹനാപകടത്തിൽ നീലേശ്വരം പള്ളിക്കരയിലെ എയർഫോഴ്സ് ഉദ്യോഗസ്ഥൻ മരിച്ചു.
പള്ളിക്കര ലക്ഷ്മി നാരായണ ക്ഷേത്രത്തിന് സമീപത്തെ ഈയ്യക്കാട് ദാമോദരൻ-എൻ.വി. ലത ദമ്പതികളുടെ മകൻ ഉണ്ണി ദാമോദരനാണ് (41) മരിച്ചത്.
ഉണ്ണിയും സുഹൃത്തുക്കളും സഞ്ചരിച്ച വാഹനത്തിന് കുറുകെ നായ് ചാടിയപ്പോൾ വാഹനം നിയന്ത്രണംവിട്ട് മറിയുകയായിരുന്നുവെന്നാണ് പ്രാഥമിക വിവരം.
സുഹൃത്തുക്കൾക്കും അപകടത്തിൽ പരിക്കേറ്റിട്ടുണ്ട്. മൃതദേഹം വ്യാഴാഴ്ച നാട്ടിലേക്ക് കൊണ്ടുവരും. ഭാര്യ: ഹരിത. മകൻ: നവയുഗ്.
