തളിപ്പറമ്പ്: തേങ്ങ പറക്കുന്നതിനിടെ തെങ്ങിൽനിന്ന് വീണ് ചെത്ത് തൊഴിലാളി മരണപ്പെട്ടു.
കുപ്പം പടവിൽ സ്വദേശി പരിയാരം ഏമ്പേറ്റ് കാപ്പുങ്കൽ റോഡിൽ താമസിക്കുന്ന കെ. സതീശൻ (55) ആണ് മരണപ്പെട്ടത്. ചുടല കള്ള് ഷാപ്പിലെ ചെത്ത് തൊഴിലാളിയായ ഇദ്ദേഹം തേങ്ങ പറിക്കുന്ന ജോലിയും ചെയ്യാറുണ്ട്. മാട്ടൂലിലെ വീട്ടിലെ പറമ്പിൽ നിന്നും തേങ്ങ പറിക്കുന്നതിനിടെ താഴെ വീണാണ് അപകടം.
ഉടൻ പരിയാരത്തെ കണ്ണൂർ ഗവ.മെഡിക്കൽ കോളജിൽ എത്തിച്ചെങ്കിലും മരിച്ചു.
പരേതരായ പി.സി. കണ്ണന്റെയും ശാരദയുടെയും മകനാണ്. ഭാര്യ: സജിത (മുക്കുന്ന്). മക്കൾ: ആദർശ (ആയുർവേദ ഡോക്ടർ, പാലക്കാട് ), അഭിനന്ദ്. സഹോദരങ്ങൾ: സത്യൻ, ഗീത, പ്രമീള, സുനന്ദ, രഞ്ജിത്ത് .
