തലശ്ശേരി: പുതിയ ബസ് സ്റ്റാൻഡ് പരിസരത്ത് മരിച്ചനിലയിൽ കാണപ്പെട്ടയാളെ തിരിച്ചറിഞ്ഞില്ല. ഷാജഹാൻ എന്നാണ് പേരെന്ന് സൂചനയുണ്ട്. ഉദ്ദേശം 55 വയസ്സ് തോന്നിക്കുന്ന ഇയാൾ പലപ്പോഴും ബസ് സ്റ്റാൻഡിന് സമീപത്തെ കോഫി ഹൗസിനടുത്ത് യാചന നടത്താറുണ്ട്. നാടും വീടും ബന്ധുക്കളെയുംപറ്റി ആർക്കും വിവരമില്ല. പുതിയ ബസ് സ്റ്റാൻഡിലെ മൂത്രപ്പുരക്കടുത്ത് ബോധമറ്റനിലയിൽ കാണപ്പെട്ട ഇയാളെ പൊലീസെത്തി ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല. മൃതദേഹം മോർച്ചറിയിൽ. തിരിച്ചറിയുന്നവർ തലശ്ശേരി പൊലീസിൽ അറിയിക്കണം. ഫോൺ: 0490-2323352, 9497964070.
