തൃത്താല: ട്രെയിന് യാത്രികനായ യുവാവിനെ ട്രാക്കില് മരിച്ചനിലയില് കണ്ടെത്തി. തിരുവനന്തപുരം നാല് സെന്റ് കോളനിയില് അനില് കുമാറാണ് (29) മരിച്ചത്. പട്ടാമ്പി പള്ളിപുറം റെയില്വേ ട്രാക്കില് വെള്ളിയാഴ്ച രാവിലെയാണ് മൃതദേഹം കണ്ടെത്തിയത്. കാസര്കോടുനിന്ന് തിരുവനന്തപുരത്തേക്ക് പോവുകയായിരുന്നു അനില്കുമാര്. കൂടെ ഒരു സുഹൃത്തുകൂടി ഉണ്ടായിരുന്നതായി പറയപ്പെടുന്നു. തൃത്താല പൊലീസ് മേല്നടപടി സ്വീകരിച്ചു. സംഭവത്തിലെ ദുരൂഹതയെക്കുറിച്ച് അന്വേഷണം നടത്തിവരുന്നതായി തൃത്താല എസ്.ഐ അറിയിച്ചു.