ചേർപ്പ്: പള്ളിപ്പുറം പാടത്തേക്ക് ഓട്ടോറിക്ഷ മറിഞ്ഞ് ഡ്രൈവർ മരിച്ചു. വല്ലച്ചിറ പ്ലാക്കൽ വീട്ടിൽ വിജയകുമാർ (45) ആണ് മരിച്ചത്. ഭാര്യ വിജിത, മക്കളായ വിദ്യ, ബദ്രിനാഥ് എന്നിവർക്ക് നിസ്സാര പരിക്കേറ്റു. ഞായറാഴ്ച ഉച്ചക്ക് ഒന്നിനായിരുന്നു അപകടം. കുടുംബസമേതം സ്വന്തം ഓട്ടോറിക്ഷയിൽ പുള്ള് ഭാഗത്തുനിന്ന് വരവേ നിയന്ത്രണംവിട്ട് പാടത്തേക്ക് മറിയുകയായിരുന്നു. തലക്ക് ഗുരുതര പരിക്കേറ്റ വിജയകുമാറിനെ നാട്ടുകാർ ചേർപ്പിലെ ഗവ. ആശുപത്രിയിലും തുടർന്ന് കൂർക്കഞ്ചേരിയിലെ സ്വകാര്യ ആശുപത്രിയിലും പ്രവേശിപ്പിച്ചെങ്കിലും മരിക്കുകയായിരുന്നു.