ചാവക്കാട്: ദേശീയപാതയിൽ നിർത്തിയിട്ട ലോറിക്ക് പിറകിൽ ബൈക്കിടിച്ച് യുവാവ് മരിച്ചു. അകലാട് അഞ്ചാംകല്ല് പെരുമ്പുള്ളി മുസ്തഫയാണ് (മുത്തു - 45) മരിച്ചത്. അകലാട് താഹ റോഡിന് സമീപം വ്യാഴാഴ്ച രാവിലെ 6.30നാണ് സംഭവം. പൊന്നാനി ഭാഗത്തേക്ക് പോകുകയായിരുന്ന ലോറി നിർത്തിയിട്ട് ഡ്രൈവറും സഹായിയും പുറത്തിറങ്ങിയതായിരുന്നു. മേഖലയിൽ ലോറികൾ അലക്ഷ്യമായാണ് പാർക്ക് ചെയ്യുന്നതെന്ന് ആക്ഷേപം നേരത്തേയുള്ളതാണ്. പരിക്കേറ്റ മുസ്തഫയെ വിന്നേഴ്സ് ആംബുലൻസ് പ്രവർത്തകർ ചാവക്കാട് സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചു. മന്ദലാംകുന്ന് ഹോട്ടലിലെ ജീവനക്കാരനായ മുസ്തഫ ജോലിക്ക് പോകുകയായിരുന്നു. ഭാര്യ: ഫൗസിയ. മക്കൾ: മുബഷിറ, തബ്ഷീറ, ഫിദ.