ചാലക്കുടി: തടയണയിൽ കുളിക്കാനിറങ്ങിയ യുവാവ് മുങ്ങിമരിച്ചു. മാള കുഴൂർ കൊടിയൻ വീട്ടിൽ ജോസഫിന്റെ മകൻ ജോയ്സൺ (41) ആണ് മരിച്ചത്. പരിയാരം സി.എസ്.ആർ കടവിൽ കൊമ്പൻപാറ തടയണയിൽ വ്യാഴാഴ്ച ഉച്ചയോടെ കുളിക്കാനിറങ്ങിയ ജോയ്സനെ കാണാതാവുകയായിരുന്നു. തുടർന്ന് ചാലക്കുടിയിൽ നിന്നെത്തിയ അഗ്നിരക്ഷാസേന പുഴയിൽ തിരച്ചിൽ നടത്തി. വൈകീട്ട് അഞ്ച് മണിയോടെയാണ് മൃതദേഹം മുങ്ങിയെടുത്തത്. പരിയാരത്തെ കാറ്ററിങ്ങ് സ്ഥാപനത്തിലെ പാചകക്കാരനായിരുന്നു.