പാണ്ടിക്കാട്: ബൈക്കുകൾ കൂട്ടിയിടിച്ച് പരിക്കേറ്റ് ചികിത്സയിലിരുന്നയാൾ മരിച്ചു. പൂളമണ്ണയിലെ അയ്യമ്പാക്കയിൽ വീട്ടിൽ നാരായണൻ (70) ആണ് കോഴിക്കോട് മെഡിക്കൽ കോളജ് ആശുപത്രിയിൽ മരിച്ചത്. കഴിഞ്ഞ വ്യാഴാഴ്ച വൈകീട്ട് അഞ്ചോടെ മൂന്ന് ബൈക്കുകൾ കൂട്ടിയിടിച്ചായിരുന്നു അപകടം. പൂളമണ്ണ സ്വദേശികളായ മൂന്ന് പേർക്ക് പരിക്കേറ്റിരുന്നു. അപകടം പതിവായ പൂളമണ്ണ മില്ലുംപടിക്കും അങ്ങാടിക്കും ഇടയിലാണ് ബൈക്കുകൾ കൂട്ടിയിടിച്ചത്. ഭാര്യ: നാരായണി. മക്കൾ: ഉണ്ണികൃഷ്ണൻ, ഷാജി, അജിത. മരുമക്കൾ: രജനി, ഷിജി, ജയപ്രകാശ്.
